MPSC GK Online Test 23

राष्ट्रीय सुरक्षा दिन भारतात दरवर्षी 4 मार्च रोजी साजरा केला जातो. या दिवसाचे उद्दीष्ट सुरक्षा दलाच्या कामांचे कौतुक करणे आहे कारण ते देशातील शांतता आणि सुरक्षा टिकवून ठेवण्यात महत्त्वपूर्ण भूमिका निभावतात.

निवृत्त केंद्रीय वित्त सचिव असलेले सुभाषचंद्र गर्ग हे रोखीच्या संकटात अडकलेल्या राज्यात संसाधनांची जमवाजमव करण्यात मदत करण्यासाठी नेमण्यात आलेले आंध्रप्रदेशाच्या मुख्यमंत्री वाय. एस. जगन मोहन रेड्डी ह्यांचे नवे सल्लागार आहेत.

खेडो इंडिया युनिव्हर्सिटी गेम्स 2020 पहिल्यांदा ओडिशाच्या भुवनेश्वरच्या कलिंग इंस्टिट्यूट ऑफ इंडस्ट्रियल टेक्नॉलॉजी (केआयआयटी) विद्यापीठात आयोजित करण्यात आला. हे खेळ 22 फेब्रुवारी ते 1 मार्च 2020 या काळात घेण्यात आले.

केंद्रीय कृषी व शेतकरी कल्याण आणि ग्रामविकास व पंचायती राज मंत्री नरेंद्र सिंग तोमार ह्यांच्या हस्ते दि. 28 फेब्रुवारी 2020 रोजी 11 व्या ‘राष्ट्रीय कृषी विज्ञान केंद्र (KVK) परिषद’ या कार्यक्रमाचे उद्घाटन दिल्लीत झाले.

दरवर्षी 3 मार्च या दिवशी जागतिक वन्यजीवन दिन साजरा करतात. यावर्षी हा दिन “सस्टेनिंग ऑल लाइफ ऑन अर्थ” या संकल्पनेखाली पाळला गेला.

इंडिया ट्रेड प्रमोशन ऑर्गनायझेशन (आयटीपीओ) ची स्थापना 1 एप्रिल 1977 रोजी झाली.

ओडिशाच्या भुवनेश्वर या शहरात खेळल्या गेलेल्या पहिल्या खेलो इंडिया विद्यापीठ खेळांमध्ये चंदीगडच्या पंजाब विद्यापीठाने 46 पदके जिंकून स्पर्धेचे विजेतेपद जिंकले. सावित्रीबाई फुले पुणे विद्यापीठाने द्वितीय क्रमांक पटकवला.

कर्णबधिरता आणि श्रवणशक्तीचे नुकसान टाळण्यासाठी त्यासाठी जागृती वाढविण्यासाठी जगभरात दरवर्षी 3 मार्च या दिवशी जागतिक श्रवण दिन साजरा केला जातो. यावर्षी हा दिन “हियरिंग फॉर लाइफ. डोन्ट लेट हियरिंग लॉस लिमिट यू.” या संकल्पनेखाली पाळला गेला.

काझीरंगा राष्ट्रीय उद्यानासाठी ‘भरपाई वसुलीकरण निधी व्यवस्थापन व नियोजन प्राधिकरण’ (CAMPA) अंतर्गत वर्ष 2018-19 आणि वर्ष 2019-20 या कालावधीसाठी 1.51 कोटी रुपयांचा निधी मंजूर झाला आहे. त्याव्यतिरिक्त व्याघ्र प्रकल्प योजनेच्या अंतर्गत 10.30 कोटी रुपये आणि 22.81 कोटी रुपये एवढी आर्थिक मदत सरकारने जाहीर केली.

वर्तमानात, मुहिद्दीन यासीन हे मलेशियाचे पंतप्रधान आहेत. ते मलेशियाचे 8 वे पंतप्रधान आहेत.

1 मार्च 2020 रोजी पंजाब राज्य सरकारने खाद्यपदार्थ व्यवसाय संचालकांकडून (FBOs) मिळविलेल्या स्वच्छतेविषयक प्रमाणपत्राशिवाय खाद्यपदार्थांचा पुरवठा करण्याच्या ऑनलाइन पद्धतीवर बंदी आणण्याची घोषणा केली.

ताज्या FIH जागतिक क्रमवारीत भारतीय पुरुष हॉकी संघाचा चौथा क्रमांक आहे. तर क्रमवारीत अग्रस्थानी बेल्जियम संघ आहे. महिला संघाच्या जागतिक क्रमवारीत भारतीय संघाचा नववा क्रमांक आहे. तर प्रथम क्रमांकावर नेदरलँडचा संघ आहे.

आंतरराष्ट्रीय ऑलिम्पिक समितीची स्थापना (आयओसी) 23 जून 1894 रोजी झाली.

“ब्लू डॉट नेटवर्क” हा बहुपक्षीय उपक्रम आहे. हा प्रस्ताव अमेरिकेच्या हिंद-प्रशांत धोरणाचा एक भाग आहे. या कल्पनेतले भागीदार म्हणून अमेरिकेला यापूर्वीच ऑस्ट्रेलिया आणि जापान सामील झाले आहेत. या उपक्रमाच्या अंतर्गत जे प्रकल्प ‘ब्लू डॉट’ मानदंड पूर्ण करतात त्यांना एक ‘ब्लू डॉट’ मिळेल, ज्यामुळे ते खासगी निधी आकर्षित करण्यास सक्षम होतील आणि केवळ राष्ट्रीय निधीवर अवलंबून राहणार नाही.

उत्तरप्रदेश राज्य सरकारने भटक्या गुराढोरांना पाळण्यास इच्छुक असलेल्या शेतकऱ्यांना दरमहा 900 रुपये एवढा मदत निधी देण्याचा निर्णय घेतला. हा निधी “मुख्यमंत्री निराधार गायी सहभाग योजना” अंतर्गत दिला जाणार.

ज्येष्ठ कोंकणी लेखक आणि नाटककार राहिलेले रिचर्ड जॉन पईस ह्यांचे 1 मार्च 2020 रोजी निधन झाले. त्यांच्या ‘फादर’ या साहित्याला टी.एम.ए. पई पुरस्काराने सन्मानित करण्यात आले होते.

जम्मू-काश्मीरमध्ये 5 मार्च 2020 रोजी स्टुडंट हेल्थ कार्ड योजना सुरू केली गेली. या योजनेमुळे शाळेतील मुलांची नियमित आरोग्य तपासणी केली जाईल.

भारतात कुपोषण निर्मूलनाचे उद्दिष्ट साध्य करण्यासाठी भारत सरकारच्या महिला व कुटुंब कल्याण मंत्रालयाने “सुपोषित माँ अभियान” राबविण्यास सुरुवात केली. लोकसभा सभापती ओम बिर्ला ह्यांच्या हस्ते या राष्ट्रीय कार्यक्रमाचे उद्घाटन राजस्थानच्या कोटा या शहरात करण्यात आले. या मोहिमेद्वारे किशोरवयीन मुली आणि देशातल्या गर्भवती महिलांना पोषक आहार प्राप्त व्हावा हे उद्दिष्ट ठेवण्यात आले आहे. गहू, हरभरा, मका, बाजरीचे पीठ, गूळ, डाळी, मसूर, तूप, शेंगदाणे, तांदूळ आणि खजूर इ. पौष्टिक वस्तू प्रत्येक कुटुंबातल्या एका गर्भवती महिलेस देण्यात येणार.

राष्ट्रीय चंबळ अभयारण्य मध्यप्रदेश, उत्तरप्रदेश आणि राजस्थान या राज्यांच्या सीमेवर आहे. या अभयारण्यात स्थलांतरित पक्ष्यांच्या 180 प्रजाती आणि गोड्या पाण्याच्या कासवांच्या नऊ प्रजाती आढळतात. अभयारण्य चंबळ नदीलगत विंध्य पर्वतरांगपासून सुरू होते आणि यमुना नदीवर समाप्त होते. अभयारण्य 435 चौरस किलोमीटरच्या क्षेत्रात पसरलेले आहे आणि हे मध्यप्रदेशातल्या भिंड, मोरेना आणि शेओपूर जिल्ह्यात प्रामुख्याने पसरलेले आहे. राष्ट्रीय चंबळ अभयारण्य हे गंगेटिक डॉल्फिन आणि देशातल्या 75 टक्के घडियाल या प्राणीप्रजातीचे घर आहे.

रायडर-एक्स हे एक स्फोटक शोध यंत्र आहे ज्यामध्ये स्टँड-ऑफ अंतरातून स्फोटके शोधण्याची क्षमता आहे. हाय-एनर्जी मटेरियल्स रिसर्च लॅबोरेटरी (एचईएमआरएल) पुणे आणि इंडियन इंस्टिट्यूट ऑफ सायन्स, बंगळुरू यांनी हे सह-विकसित केले आहे.